قصيدة الشاعر ماجد بن هلال العتيبي بمناسبة ترقية اللواء خلف

عدد الرسائل : 11 تاريخ التسجيل : 13/04/2008

بسم الله الرحمن الرحيم
السلام عليكم ورحمة الله وبركاته
بمناسبة الترقيه لمرتبة فريق التي حظي بها الشاعر الكبير شاعر الوطن / خلف بن هذال العتيبي
والثقه من ولاة الأمر .. أدامهم الله ذُخراً للوطن ولمواطنيه ..
:
الشاعر ماجد هلال العتيبي ونيابة عن قبيلة عتيبه كافّه .. يبارك له بهذه القصيده الرائعه ..
:

:

.. للحفظ .. !

من فرحة الشعب السعودي للفـرح عنـدي حضـور

الفرحه اللـي عشـت فيهـا .. شفتهـا و أوحيتهـا

كنّه ندا .. صوت وصدى .. لأبعد مدى .. هذا السرور

والفرحه (إ)لها ليـتٍ أزريـت آصـل أقصـى ليتهـا

كلٍ يبارك يا خلـف عـن لابتـه بأصـدق شعـور

مباركاتٍ جيـت أبحصيهـا عـدد / مـا أحصيتهـا

بالترقيه / وأيضا الثقه / من قـادة الشعـب الوقـور

القمّه (إ)لهـا بيـت و آل سعـود جـوا فـي بيتهـا

حكّامنا وسط القلـوب / مـن المهـاد إلـى القبـور

الله يبـقـي حيّـهـا / والله يـرحــم ميـتـهـا

عيال مـن وحّـد وطنّـا بالعـدل وألغـى الشـرور

العيـن تشهـد فعلهـم مـن ويـن مـا لدّيتـهـا

إليـا نخونـا ثـارت الخـيـل وبنادقـنـا تـثـور

نشرب فناجيـل العـدا اللـي ليتهـا أقفـت ليتهـا

وأنا عـن اللـي فعلهـم تعجـز توّصفـه السطـور

جبت الفريـده / والقصيـده / مـن غـلا غنّيتهـا

عن ربعي عتيبه هل الوقفـات مـن مـاض العصـور

هيـلاً مهيلـه / لـوّ أبمدحهـا عُمُـر مـا أوفيتهـا

نبعث تباريك الغلا / لك خـصّ / بالصـوت الجهـور

وش فايـدة مضمـون تبريكاتنـا لا أخفيتـهـا ؟!!

هذا بعض ممّـا نكنّـه مـن غـلا وسـط الصـدور

يـا اللـي تنومـس مملكتـك أرضيتنـا وأرضيتهـا

وبه كلمةٍ يشهد بها غيـري / وأنـا مـا أقـول زور

وإن كانهـا زلّـه ترانـي يــا خـلـف زلّيتـهـا

لا والله إلاّ يـا خلـف شاعـر وطـن وافـي شبـور

تشهد لـك أبيـاتٍ علـى شـان الوطـن عدّيتهـا

شاعر وطن .. لا لم ولن .. ياتـي مثيلـك / للنشـور

قصيدتـك / كـلٍ يفكّـر كيـف تبـنـي بيتـهـا

فالحرب شاعر / فالرخا شاعـر / ولا فيهـم قصـور

شعارنـا لـو كـان فالأبـيـات مــا خصّيتـهـا